WTA Finals khel tur Kuznetsova

Svetlana Kuznetsova chuan Daria Gavrilova chu 6-2, 6-1 a hnehin Kremlin Cup a kawl lai a humhim a, Russian star hi WTA Finals khel turin a tling nghal bawk.

Inrinnia final khelhah Kuznetsova hian bul a
ṭan fuh lo a, set hmasa zawkah 2-0 in a hnufual nghal. Mahse, game thumna aṭanga insiam
ṭhain a zawin game 10 zet a la zui a, dar-kar khat leh minute 13 chhungin harsatna dang tawk zui loin hnehna a chang.

Grand Slam vawi hnih champion tawh Kuznet-sova bakah hian Angelique Kerber, Agnieszka Rad-wanska, Simona Halep, Karolina Pliskova, Garbine Muguruza, Madison Keys, Dominika Cibulkova leh Svetlana Kuznetsova te hi WTA 2016 Finals-ah hian an inlan ang.

Kum khat chhunga world ranking-a a sang pariat ten season khar nana an hman ṭhin WTA Finals-ah hian world number 2 Serena Williams chu hliam vangin a inlan dawn lo.