A vawi khat nan Delhi an tlawm

Atletico de Kolkata chuan Inrinni zan khan Delhi Dynamos chu 1-0 in an hneh a, minute 15-na leka Delhi penalty hlawh chhuah chu Mar-celinho-a'n goal-a a chantir theih loh hnuah Iain Hume-a'n minute 77-naah Mizo tlangval Lalchhawnkima'n Sameehg Doutie laka a penalty chawi chu a chhuih lut thung a, mual-neitu team an chak.

Delhi tan Kim Kima a inlan laiin Lalruatthara hmel erawh hmuh tur a la awm lo zel a, Lunglei tlangval Lalrindika Ralte chuan substitute bench aṭanga inkhel a ṭan fo hnuah ATK tan inkhel bul ṭanin a khel chhe lo.

Zirtawpni zan khan FC Goa chuan an vawi khat chakna ni turin Mum-bai City chu khual-mualah 1-0 in an hneh bawk a, Richarlyson chuan he inkhela goal awmchhun hi a khung a ni. Mumbai City tan Lalhmangaihsanga Ralte chuan a dan pang-ngaiin inkhel bul a ṭan a, bench a-
ṭangin David Lal-rin-muan-a chu tlan luhtir a ni bawk.

Mimal Lawmman

Atlético de Kolkata vs Delhi Dynamos

Emerging Player of the Match Prabir Das, Atlético de Kolkata

Hero of the Match Iain Hume, Atlético de Kolkata

Mumbai City vs FC Goa

Emerging Player of the Match Raju Gaikwad, FC Goa

Hero of the Match Richarlyson, FC Goa

Zanin Inkhel Tur

FC Goa 07:00 PM Kerala Blasters