South Africa-in England hneh

South Africa leh England ten Buffalo Park, South Africa-ah Nilaini zan khan T20 match thum an khelh tura hmasa ber an khel a, mualneitu hi run khatin an chak.

Ṭhumvawrah England an vannei a, vawm hmasak an thlang. Proteas batsman-te an che ṭha rual - Temba Bavuma (43), Quinton de Kock (31), Rassie van der Dussen (31), JJ Smuts (20), Andile Phehlukwayo (18) leh David Miller (16) ten 'double digit' an vaw chhuak pha vek.

South Africa hian over 20-ah run 177/8 an siam. England top order-ten bul an ṭan ṭha a, Jason Roy (70), Jos Buttler (15), Jonny Bairstow (23) leh Eoin Morgan (52) te hmangin chak turin beisei an nei sang hle.

Amaherawhchu, Proteas bowler Lungi Ngidi-a'n hun pawimawhah Ben Stokes (4), Moeen Ali (5) leh Tom Curran (2) te a vawm hlum a, heti chung hian England-in ball khata run thum a siam theih chuan an chak thei tho. Adil Rashid-a'n run khat chauh a siam thei a, South Africa run khatin an chak.

Zanin dar 9:30 hian Kingsmead, Durban-ah match hnihna an khel ang.