India team-ah Mizo nula

AFC Under 19 Women’s Championship 2017 Group D qualifier chu October 30 aṭangin Vietnam-ah neih a ni dawn a, he inelnaa tel tur India squad-ah hian Subroto Cup 2013 junior girls-a semifinal lut Mizoram team-a hming lo chher tawh Tlungvel nula B. Vanlalhriattiri leh Salem Veng nula Grace H. Lalrampari te an tel.

China-a neih tur AFC U19 Women’s Championship 2017-ah hian team pariat an tel dawn a, inelna neih hnuhnung ber 2015-a semifinalist Japan, North Korea, South Korea leh China chu tlingsa niin hmunruak pali dang hi team 18-in an inchuh dawn. India hi group D-ah Iran, Vietnam leh Phillipines te nena awmhoin group hmahruaitu hi AFC U19 khel turin an tling ang.