Denmark Open champion Yamaguchi

Badminton inelna ngaihhlut pakhat 2016 Denmark Super Series Premier chu Pathianni khan khelh zawh a ni a, hmeichhe final-ah Japanese shuttler Akane Yamaguchi chuan Tai Tzu-ying lakah minute 58 chhungin 19-21, 21-14, 21-12 in hnehna a chang.

Seeded pariatna Yamaguch hian semifinal-ah world number 1 leh Rio Olympic champion Carolina Marin a lo hneh tawh bawk. Kum 19-a upa Yamaguchi hi kum 2013 leh 2014 khan junior world champion a lo ni tawh a, kumin kim tir lam khan Korea Open-ah lo hlawhtling tawh bawkin shuttler beiseiawm ber pawl a ni mek.

Mipa final-ah Thailand shuttler Tanongsak Saensomboonsuk chuan South Korea tlangval Son Wan Ho lakah 21-14, 21-16 a hnehna chang-in champion nomawi a chawi ve bawk.

Denmark Open-ah hian Rio Olympic silver medalist PV Sindhu pawh a inlan ve a, Indian shuttler hian beisei phak loin second round-ah a tla.