Kerber a chak hram

Pathianni aṭang khan WTA Finals chu Singapore-ah khelh ṭan a ni a, World number 1 Angelique Kerber chuan a match hmasa berah Do-minika Cibulkova lakah hnehna a chang hram.

Kum 28-a upa Kerber hian Slovakia nula Cibulkova lakah hian 6-7 (5-7), 6-2, 6-3 in hnehna a chang. Grand Slam vawi hnih cham-pion tawh Kerber hian hnehna chang turin vawi li aces a siam bakah a khingpui service hi ṭum li a chhuhsak bawk.

Inkhel dangah kum 2014 finalist Simona Halep chuan American Madison Keys lakah vawi 18 ngawt unforced errors nei chungin 6-2, 6-4 in hnehna a chang tho.

German nula Kerber chuan, "Ka lakah mipuiin beiseina an nei sang tih ka hria, chu chu ka tan harsatna a ni hran lo. Chutihrualin number 1 ka ni a nih chuan ṭha taka khelh tluan reng a ṭul," tiin a sawi.

WTA Finals-ah hian world ranking-a a sang pariat chin an inlan a, group pahnihah ṭhen hran niin an inkhelh kual hnuah a sang pahnih ve vein semifinal an lut ang.