Ranking nei lo Sharapova

Hmeichhe tennis lama thuneitu sang Women's Tennis Association (WTA) in ranking an tih chhuah thar berah world number 1 hlui Maria Sharapova chu paih a ni.

Grand Slam vawi nga champion tawh Sharapova hi kum hnih chhung inkhel thei lo tura hremna chu Court of Arbitration for Sport (CAS) in thla 15 chhung atan tih tawi sak mah se nakkum April 26-ah hremna hi a hmang zo dawn chauh - hemi hma hi chuan WTA hnuai inel-na a hmachhawn thei lo.

Russian star hi hun rei tak a inkhelh loh hnu October 4 thleng kha chuan world number 95 a la ni phak a, tunah erawh ranking a nei ve tawh rih lo. Kumin December thla hian Spain khawpui Madrid-ah French Open champion Spaniard Gar-bine Muguruza nen exhi-bition match an khel ang.

Nakkum French Open-ah Shara-pova hi a lo kir hman tawh dawn a, ranking a neih tawh loh avangin vawi hnih a lo champion tawhna hmuna inlan tur chuan wildcard a mamawh dawn a ni.

Kum 29-a upa Sha-rapova hian 2012 Olympic Games-ah khan an ram tan silver medal a lo vaw chhuak tawh a, kumin Rio Olympic-ah erawh hrem a nih vangin a inlan thei lo.