Dawhtheih a hun - Rosberg

Formula 1 World Championship hmahrui mektu Nico Rosberg chuan boruak chi hrang hrang leng vela buai hun a nih loh thu leh pakhatna ni tur chuan dawhtheih leh zaidawh taka awm hun a nih thu a sawi chhuak.

Mercedes driver Ros-berg hian a teammate Lewis Hamilton lakah point 26 in hma a hruai fal mek a, tun season-ah intlansiak hmabak pathum an la nei. October 31 hian Mexican Grand Prix an tlan dawn a, he hunah hian hnehna a chang a Hamilton a tlan tluan thei lo a nih chuan German driver hi world champion a ni thei tawh dawn.

Kum 31-a upa Ros-berg chuan, "Mi hrang hrang hnen aṭangin fuihna leh sawi hnawmna thu ka dawng hnem hle a,
ṭhenkhat chuan rilru pawh a ti buai ṭep ṭhin. Tunah hian pakhatna dinhmun luahtu ni mah ila season tawpa ka awmna tur a ni tih a la chiang chuang lo. Lewis hian beidawng loin min um reng a, chu chu United States Grand Prix-ah khan chiang takin kan hmu. Khawvela a ṭha ber ni turin theihtawp ka chhuah mek a, tuna ka tih theih chu dawhthei taka nghah hi a ni," tiin a sawi.

Kuminah Grand Prix 21 tlan tur a ni a, heng zinga 18 chu tlan zawh tawh niin Mexican Grand Prix, Brazilian Grand Prix leh Abu Dhabi Grand Prix te an la hmabak.