Indian shuttler-ten French lam an hawi

Tunkar chhunga khelh tur French Open-ah Indian badminton star an inlan nual dawn a, shuttler zinga lar leh ngaihven hlawh ber chu Olympic silver medallist PV Sindhu a ni.

Rio Olympic hnua a tournament khelh hmasa berah Sindhu hi Sayaka Sato hneh loin Denmark Open second round aṭangin vuak thlak a ni a, tun ṭumah hian seeded parukna niin a match hmasa berah Chinese shuttler He Bingjiao hmachhawn tura ruahman a ni.

Mipa singles lamah Dutch Open finalist Ajay Jayaram chuan a match hmasa berah Swiss Open champion HS Prannoy a hmachhawn ang a, Canada Open champion B. Sai Praneeth chuan Korean shuttler Lee Hyun Il a bitum ve thung ang.

Indian shuttler ṭhenkhat ten inelna an hmachhawn chhoh mek lai hian world number 1 Saina Nehwal erawh a hliam vangin a la chawl mek. London Olympic bronze medallist hian court-ah training nei leh tawhin November 15-20 chhunga khelh tur China Open leh November 22-27 chhunga khelh tur Hong Kong Open-ah te inlan tumin inbuatsaihna a nei mek.