PSG-a cham duh Silva

Paris Saint-Germain captain Thiago Silva chuan French champion tan hun rei zawk khelh zel a duh thu a sawi chhuak. Kar hmasa khan Silva-a aiawhtu Paulo Tonietto chuan a player chuan Paris Saint-Germain aṭanga sawmna duhawm a dawng thuai a nih loh chuan a chhuah mai theih thu a lo sawi tawh.

Kum 32-a upa Silva hian tun season tawp thleng daih chiah PSG tan contract a nei tawh a, a pawt sei lo a nih chuan season tawpah a duhlam a hawi thei dawn. Italian champion Juventus chuan Brazil in-ter-natuional hi an duh thu an lo sawi leh hman tawh.

AC Milan defender hlui Silva chuan, "Ka mimal duhthlanna a tawk lo a, club nen kan inrem a ṭul. Season hmasa aṭang khan inbiakna a awm tawh a, nipui chawlh lai khan kan titawp leh rih. Tunah ka aiawh nen inbiakna an nei leh mek a, club president nen inbiakna neih hnuah ka hmalam hun chu a chiang ang - duh thlang thei ni ila chuan Paris-ah hian cham zel ka duh," tiin a sawi.

Silva hian kum 2012 khan Milan aṭangin Paris hi a zawm a, a club tan hian a zawnin season li chhung zet chu Ligue 1 nomawi a chawi tawh - tun season-ah a club tan league-ah match nga a khel tawh.