Milan-in an keeper Donnarumma an hauh

AC Milan CEO Adriano Galliani chuan Serie A lama an elpui Juventus bakah Europe-a club lian dangte tan goal-keeper Gianluigi Donna-rumma chu beisei chi a nih loh thu a sawi.

Kum 17-a upa Donna-rumma hian nikum October thla khan Milan tana a match hmasa ber khelin tun dinhmunah chuan player pawimawh a ni phak der tawh a, a naupan lai aṭanga a ngaihsan leh entawn Gianluigi Buffon thlaktu tur niin an sawi der tawh.

Galliani chuan, "Don-narumma hi Milan player a ni a, ani chelh hi keini lam tih tur a ni. Kum naupangte la ni mah se tawnhriat a nei chho mek a, khawvela a ṭha ber a ni chho thei ang. Ka hmuh dan chuan Italy national team-ah pawh hian Buffon ai a awh chho thuai ang," tiin a sawi.

Tun hnaiah Milan hian Serie A nomawi an beisei ngam leh ta a, kartawp inkhelah hmahruaitu Juventus chu kum 18-a upa Manuel Locatelli-a goal khat khung hmanga hnehin league table-ah pahnihna dinhmun an luah a, an chunga awm Juve an phak lohna chu point hnih chiah a ni rih.