Match thum khel lo tur Sissoko

Tottenham midfielder Moussa Sissoko chu Har-ry Arter a nghawk avang-in Football Asso-ciation chuan match thum khel thei lo turin a hrem.

Kartawp Premier Lea-gue-a Spurs leh Bournemouth te goal lut loa an inhnehtawk ṭumin Sissoko hian Arter-a'n ball a va chuh tur chu a lo nghawk lui a, tharum thawh vanga hrem a ni. FA hremna hi khinlet theih ni mah se Spurs lam chuan an player thiltihah hian thiamthu sawi an tum lo.

Kum 27-a upa Sissoko hian a thiltih avang hian FA hnenah ngaihdam dil mah se hremna hi kaltlangpui tur a ni a, nizan khan EFL Cup-ah Liverpool a hmachhawn thei lo nghal a, hei bakah hian league match-ah champion lai Leicester leh an elpui Arsenal a hmachhawn thei dawn lo - North London derby a khel lo tur hi Spurs tan a uihawm hle ang.

Spurs manager Mau-ricio Pochettino chuan, "Sissoko kiu khan chiang takin Arter hmai a fuh, sawifiah tur dang a awm lo. Squad-a player zawng zawng inkhel theiin inpeih se tih hi ka duhdan a ni a, season hun pawimawh kan hman chhoh avangin player kan in mamawh tam bawk," tiin a player a chhan duh lo. Argentina manager hian player hliam leh hrem tuar tel loa result ṭha neih chhunzawm an tum thu a sawi tel bawk.