Flying Christabel MPL5 U18 Chhinga Veng an vul zel dawn em?

Chhinga Veng FC Under 18 Team ten Flying Christabel MPL5 U18 inelna neih mekah an la chak fai vek a, vawiin chhun dar 12:00 hian match zawna vawi hnih chak tawh Chanmari FC U18 an hmachhawn ang.

Under 18 inkhel dangah Ramhlun North FC leh Bethlehem Vengthlang FC-te chawhma dar 10:00-ah an inkhel dawn a, Ramhlun North hian point an la hmu lo.

MPL5-ah Chhinga Veng senior team an talbuai chho zel a, table mawngphaha an awm laiin an Under 18 team erawh table chung berah awmin semifinal lut turin point tam an mamawh tawh lo - vawiina Chanmari FC an hneh chuan knockout stage an lut chiang hial ang.

MPL U18-a team thar Ramhlun North erawh vawiin hian BVT lakah point an hmu lo a nih ngat chuan semifinal thleng turin thilmak a thlen a ṭul dawn. Ramhlun North-in goal khung an harsat a, match hnuhnung pahnihah goal an khung lo. Hetihlai hian BVT erawhin match thum an khelh tawhah goal khung vekin goal sarih khung tawh mah se goal sarih tho an chhuah avangin result ṭha nei turin tlarhnung an thawm ṭhat a ṭul dawn a ni.

ROUND 4 - LAMMUAL

Vawiin Inkhel Tur

10:00 AM Ramhlun North FC Vs Bethlehem VT FC

12:00 PM Chanmari FC Vs Chhinga Veng FC

October 28, Zirtawpni

10:00 AM Zo United FC Vs Aizawl FC

12:00 PM Dinthar FC Vs Chanmari West FC

Team Dinhmun

# Team Pld W D L GF GA GD Pts

1 Chhinga Veng FC 3 3 0 0 7 1 6 9

2 Aizawl FC 3 2 0 1 5 2 3 6

3 Chanmari FC 3 2 0 1 5 3 2 6

4 Chanmari West FC 3 1 1 1 8 6 2 4

5 Bethlehem VT 3 1 1 1 7 7 0 4

6 Zo United 3 1 1 1 4 6 -2 4

7 Dinthar FC 3 0 1 2 2 6 -4 1

8 Ramhlun North FC 3 0 0 3 1 8 -7 0