Liverpool leh Gerrard an inhnaih

Tun hnaia Liverpool lama kir leh tur anga an sawi Steven Gerrard tan Merseyside club-ah engtiklai pawn hmun a awm reng thu coach Jurgen Klopp-a'n a sawi chhuak! German coach chuan, "Steven Gerrard hi Liverpool-ah chuan engtiklai pawn kan lawm em em reng a ni. Stevie G chungchangah tumah buai tur a ni lo a, he club-ah hian a tan hmun zau tak kan nei reng a ni," tiin a sawi.

Hliam vanga inkhel thei lo Los Angeles Galaxy midfielder Steven Gerrard hi Major League Soccer season tawp thleng a inlan thei tawh dawn lo a, season tawp ruala a contract a zawh tawh dawn bawk avangin USA club-ah hian a khelh chhunzawm zel a rinawm loh. Captain Fantastic hian instagram lamah chuan LA Galaxy a mang-
ṭhana thu hi a tarlang der tawh.

Kum 2003-15 inkara Liverpool captain hian a club hlui hi a pan a nih erawh chuan player anga a kir a beiseiawm tawh lo a, Jurgen Klopp-a coaching staff zinga mi ni turin a kir dawn niin khawthlang media te chuan an tarlang leh der tawh a ni.