Wawrinka chak ve ta

Stan Wawrinka-a'n tun hma lamin Swiss Indoors Open-ah result ṭha a nei ngai lo, Swiss tlangval hi an ram inelna-ah hian a zawnin vawi li zet a match hmasa berah a chak lo. Kuminah erawh Wawrinka hian chak ni hmel a hmu ve ta - Thawhlehni zan khan Marco Chiudinelli chu darkar hnih leh minute 31 chhungin 6-7(1), 6-1, 6-4 in a hneh.

Grand Slam vawi thum champion tawh Wawrinka hian awlsam takin hnehna a chang mai bik lo, match point vawi li a hmuh a chhawr ṭangkai theih loh hnuah a vawi nganaah a hlawhtling hram, a service nat chhawr ṭangkaiin vawi 16 ace a siam a, ṭum 35 zet unforced errors a nei thung.

Kum 31-a upa Waw-rinka chuan, "Taksa bakah rilru inbeihna a nasa a, inkhel hautak leh harsa tak a ni. Marco kha khawtual tlangval ve tho a nih avangin ṭantu a ngah em em a, a khelh ṭhat bakah na taka ball ka vuak pawhin a talbuai duh lo, hnehna ka chang hi ka vanneih vang zawk chauh a ni," tiin a inchhuang lo hle.

Inkhel dangah see-ded pangana David Gof-fin chuan Marcos Baghdatis-a break point vawi nga hmuh chu pawtthla vekin inkhel inhnehtawk takah 6-4, 7-6(4) in hnehna a chang ve bawk.