Leverkusen an tla hma

Bundesliga club Bayer Leverkusen chu third division club Sportfreunde Lotte hneh loin German Cup second round aṭangin penalty shoot out-ah 4-3 a pet chhuah an ni; hun pangngaiah 2-2 in an inhnehtawk.

Leverkusen coach Ro-ger Schmidt chu kar-tawp inkhela Hoffenheim boss Julian Nagelsmann mawi lo taka a ṭawng khum avangin hrem a ni a, a naute a ho thei lo. Heti chung hian first half-ah Kevin Volland hmangin goal hmahruai an khung ta tho a, second half ṭan tirhah Roberto Hilbert-a'n anmahni lamah tilut palhin Lotte siphurh a sut sak.

Tim Wendel chu mi-nute 78-naah yellow card vawi hnih hmuh vanga hnawh chhuah ni mah se Leverkusen lamin goal dang an khung belh thei lo. Hun pek belh khelh a ni a, goal hmahruai khungtu Volland-a'n a vawi hnih nan a team te hma a hruai puina chu Kevin Freiberger-a'n a sut ve leh bawk.

Inkhel dangah Bun-desliga club pahnih an inhmachhawn a, Borussia Monchengladbach chuan Johnson leh Lars Stindl te goal hmangin Stuttgart 2-0 in an hneh.

Kumin German Cup hi a kum 74-na a ni a, team 64 inlanin match 40 khelh a ni tawh; goal 135 lut tawhin match tina goal 3.38 lut ziah ang a ni - champion team hi UEFA Europa League khel turin an tling nghal ṭhin.