Malaysian GP awm tawh lo mai thei

Formula 1 inelna zinga langsar leh ngaihhlut hlawh tak pakhat Malaysian Grand Prix chuan motor intlansiak chu an tihtawp mai thei tih sports minister Khairy Jamaluddin-a'n sawi chhuak.

Kum 1999 aṭang khan Sepang Inter-na-tional Circuit-ah hian kumtin Formula 1 in-tlansiak neih ṭhin a ni a, mipuiin an hlutin fan 120,000 zet en theihna a ni hial. Mahse, tun hnaiah Formula 1 intlansiak hi Malaysia-ah a tla na vak lo niin a lang, October 2 a intlansiak kha mi 45,000 chiahin an en, mipui leng zat nena chhut chuan fan-te hian a chanve pawh an awh khat zo lo tihna a ni.

Sepang International Circuit chief executive Razlan Razali chuan, "Sum leh paia hlawkna a awm lo a nih chuang eng vangin nge kan kalpui reng ang," tiin hlawkna nei lo chuan Formula 1 intlansiak huaihawt reng an tum loh thu a sawi.

Malaysian sports minister Khairy Jamaluddin chuan, "Inelna kan thlen tirh kha chuan Japan tih lohah chuan Asia aṭanga thleng hmasa kan ni a, mipuiin an hlutin entu pawh an tam hle. Tunah chuan Asia-ah tlan kawng a tam tawh a, tun hma a phak tawh lo," tiin a sawi.

Asia lamah For^-mula 1 boruak a reh deuh nia sawi a awm lai hian United States lamah erawh kum dang zawng aiin mipui a hip zawk nia ngaih a ni thung, kartawpa tlan zawh tak US Grand Prix-ah khan nithum chhungin mipui 269,889 zet an kalkhawm.