Mumbai City chakna Forlan

Arsenal legend Thierry Henry-a'n Thawhlehni zan khan Indian Super League-a Mumbai City leh Atletico de Kolkata inkhel a en a, Premier League leh La Liga lama a lo hmachhawn tawh ṭhin Manchester United striker hlui Diego Forlan chuan goal awmchhun a khung.

Kum 37-a upa Forlan hian match thum chhung hliam vangin a hmel a lan thei lo a, mahse a lo kir lehna inkhelah minute 79-naah an chakna goal hi a khung a ni. North Mualcheng tlangval Lalhmangaihsanga Ralte chuan he inkhelah hian Mumbai City tan inkhel bul a ṭan bawk a, Emerging Player of the Match atan thlan a ni.

Hun rei tak a inlan loh hnuah Robert Lalthlamuana chuan ATK tan inkhel bul a ṭan leh tawh a, Lalrindika Ralte chuan inkhel bul ṭan lo mah se Lunglei tlangval hi substitute bench aṭanga tlan luhtir a ni thung.

Mimal Lawmman

Emerging Player of the Match Sena Ralte, Mumbai City

Hero of the Match Lucian Goian, Mumbai City

Zanin Inkhel Tur

Delhi Dynamos 07:00 PM FC Pune City