Baggies-in hma an hruai zel

West Bromwich Albion chuan Nilaini zan khan 2-1 in Reading an hneh a, Championship-ah table chung ber luah chhunzawmin Premier League khelh beiseina an chhawm nung zel. 

Inkhel ṭan aṭangaminute 11-na lekah Reading striker George Puscas chuan goal hmahruai a khung a, mahse Baggies hian Matheus Pereira leh centre back Kyle Bartley hmanga chhangletin an chak. 

Hetihlai hian Fulham-in Leeds United tlanpela pahnihna dinhmun hauh theihna remchang an neih chu a thlawn an chantir a, khualmualah Millwall nen 1-1 in an inhnehtawk. 

Fulham hian minute thumna lekah Aleksandar Mitrovic hmangin goal hmahruai an khung a, mahse mualneitu Millwall tan Jon Dadi Bodvarsson chuan chhanglet ve lehin 1-1 in inkhel a tawp.