Villa-ah Mings a nghet

Aston Villa defender chuan Tyrone Mings chuan kum khat daih contract a ziak - England international hi kum 2027 thleng chu Villa Park-ah a khelh chhunzawm dawn tihna a ni.

Kum 32 mi Ming-a hian season khat daih chauh contract a nei tawh a, kum khat dang atan a pawtsei ta a ni a, an inremna a hman zawh chuan Villa tan kum riat chhung a khel ang.

Season hmasa khan Mings hi hliam vangin a buai - Unia Emery enkawlna hnuaiah Premier League match 14 chauh a khel thei a, hliam nei loa a khel thei a nih erawh chuan season tharah hmun pawimawh a la chan ngei a rinawm.

Villa chuan thuchhuah siamin, "Zinkawng thui tak kan lo zawh ho tawh a, kan chhunzawm thei tur hi a lawmawm. Player ten beiseina nen contarct an ziak hi a lawmawm ṭhin, kan tum ram thlen ngei tumin theihtawp kan chhuah tlang dawn a ni," an ti.

Spanish manager Emery kaihhruaina hnuaiah Villa hian hma an sawn, season hmasa pawh khan Premier League-ah parukna an ni a, Champions League khel phak ta chiah lo mah se Europa League an khel dawn a ni.

European football an khelh dawn avangin squad neih chhah a ngai a, player tawnhriat nei ṭha thlun ngheh theih hi thil lawmawm a ni ang.