Hnahthial-ah MLA Cup

6th June, 2025

Hnahthial District MLA Cup Inter Branch Football 2025 chu June 9, Thawhṭanni zanah kick off neih a ni dawn. Inelnaah hian YMA branch 24 an tel a, group rukah inṭhenin group winner leh pahnihna zinga ti ṭha pahnih ten quarterfinal an lut ang.

MLA Cup 2025 hi Hnahthial DFA leh YMA Sub Headquarters Hnahthial ṭangkawpin an buatsaih a ni. Champion hian Rs 70,000 leh bawng chal an dawn ang a, pahnihnain Rs 10,000 an dawng ang.

Semifinal-a vanduai team pahnihin Rs 10,000 ve ve an dawng ang a, fair play-in Rs 5000 an dawng dawn. Fan ṭha ber lawmman a awm ang a, lawmman atan Rs 5000 dah a ni.