Last 16-ah Sindhu a tla

Badminton inelna Indonesia Open 2025 khelh laiah, India chhaunvawr PV Sindhu chu last 16 paltlang zo loin a zinkawng a tawp - India tan singles huanga medal beiseina a tawp nghal bawk.

Nimin khan Sindhu hi Pornpawee Chochuwong nen an inhmachhawn a, inkhel hmuhnawm takah 21-10, 21-18 in a chak lo zawkah a ṭang. Olympic medal vawi hnih dawng tawh Sindhu hian season hnih vel chu result ṭha a nei tluantling hleithei tawh lo.

Hmeichhe double lamah Treesa Jolly leh Gayatri Gopichand te ṭangdun chu Yuki Fukushima leh Mayu Matsumoto te lakah 13-21, 22-24 in an chak lo ve bawk a, anni pawh hi last 16-ah tho an tla.

Mipa double player Satwiksairaj Rankireddy leh Chirag Shetty te an la dam a, an result erawh kan hre hman lo thung a ni.