Grealish hma hun a chiang lo

Jack Grealish chu hma hun chiang lo in a awm mek - Manchester City forward hian FIFA Club World Cup a khel dawn lo nia sawi a ni a, season tharah hian Etihad Stadium-ah a cham chhunzawm ang em tih pawh a chiang ta lo.

Kum 29 mi Grealish hian Man City tan nomawi chi hrang hrang a chawi a, tun hma chuan rinrawl ni mah se season hnuhnung pahnih kha chuan a khel phak meuh lo. Hliam a neih bakah Pep Guardiola-a'n a chhawr tam duh lo bawk.

European club lian ṭhenkhat chuan lakluh an duh niin an sawi. Mahse, kar khatah £300,000 a hlawh mek a, a hlawh pangngai ang zat pek chu an zuam lo nia sawi a awm bawk, loan emaw tala a chhuah a la rinawm tho bawk a ni.

Man City hian team insiksawi an tum - midfielder Kebin de Bruyne a chhuak dawn tih a chiang tawh a, midfield laia khel turin AC Milan aṭangin Tijjani Reijnders an la dawn tih a chiang tawh bawk.

Lyon forward Rayan Cherki leh Wolves left-back Rayan Ait-Nouri te chu inremna an neihpui tawh a, nipui bazar chhungin player dang pawh an la lakluh belh ngei a rinawm.