Gauff lakah Keys a chak lo

Madison Keys tan French Open nomawi beiseina a tawp - Nilaini zan khan Keys hian anmah ang bawka Amercian player Coco Gauff chu 6-7(6), 6-4, 6-1 in a hneh lo.

Keys hian tihsual a ngah hle a, a khingpui point hmuh zawng zawng zatve aia tam chu ama tihsual vanga a hmuh a ni hial - inelna lian leh sang tawh chinah chuan tihsual neih tam a pawi thui.

Kum 2028 khan Keys hian Roland Garros semifinal hi a lo khel tawh a, a vawi hnih nan a thiam zual pali zingah tel ngei pawh a inbeisei sang hman hle, mahse Gauff a paltlang zo ta lo a ni.

Hnehna changtu Guaff leh Lois Boisson ten nizan khan semifinal an khel zui leh nghal, tualchhung nula Boisson hi wildcard hmanga inlan a ni a, semifinal lut zinga seeded ni phak lo awmchhun a ni hial.

Semifinal lehlamah champion lai Iga Swiatek leh Aryna Sabalenka an inhmachhawn ve bawk a, result kan hre hman lo. French Open hmeichhe final hi Inrinni zanah khelh tur a ni ang.