Black Caps-in India an ngam

Nilaini khan ODI series khelh mekah New Zealand chuan run 19-in India an hneh a, series match nga khelh turah vawi li inkhel tawhin team pahnih hi 2-2 in an inhnehtawk mek - Inrinni a series match hnuhnung ber khelh tur boruak a sang dawn.

Ranchi khawpuia in--khelah New Zealand an bat hmasa zawk a, over 50-ah mi pasarih hlohin run 260 an tlin - run 72 vaw chhuaktu opener Martin Guptill a khel ṭha a, captain
Kane Wil-liamson (41) chuan a thlawp pangngai viau bawk.

India bat hun a thleng a, run 57 siamtu Ajinkya Rahane leh run 45 vaw chhuaktu Virat Kohli ten bul ṭan ṭha viau mah se batsman dangin an thlawp ṭha tawk lo. Over 48.4-ah India-in run 241 siamin an out vek a, series la thei dinhmuna ding
India run 19-in an tlawm a, series la tur chuan match khat dang an nghah a ngaih phah.