Italy-ah Pjanic a kir
Covid-19 vangin Serie A an chawl lailawk mek a, Italian football inelna sang ber hi khelh chhunzawm leh theih an la beisei. Juventus midfielder Miralem Pjanic pawh Bosnia-Herzegovin aṭangin Italy-ah a kir leh tawh.
Italian Football Federation (FIGC) chuan March thla tir aṭang khan Serie A hi an titawp rih. Italy sports minister Vincenzo Spadafora chuan May thlatir lamah hi chuan club-ten training an neih chhunzawm leh theih tawh a beisei.
Football a khelh theih loh avangin Pjanic hi Bosnia-Herzegovin-ah a haw a, Pathianni khan Turin khawpuiah a thlawk let. Star player Cristiano Ronaldo erawh an ramah a la awm a, player dang Douglas Costa, Alex Sandro leh Danilo te pawh Brazil-ah an la awm.
League match 26 an khelh tawhah Juve hian hma an hruai mek, an elpui Lazio aia an sanna chu point khat chauh a nih avangin an nomawi humhim chu thil awlsam a ni dawn lo.