Roma-in Gasperini an la

Serie A club AS Roma chuan manager atan Gian Piero Gasperini an lalut a, kum 67 mi hian kum thum daih contract a ziak. Roma hian season hman zawh takah khan Claudio Ranieri hoa khelin pangana an ni a, Premier League-a Leicester City champion pui tawhtu Ranieri hian manager hna a chawlhsan a, senior executive advisor hna a chelh chhunzawm ang.

Atalanta manager hlui Gasperini hian Ranieri hmunruak hi a hnawhkhat dawn. Season tharah Roma hian Europa League an khel dawn a, Gasperini hian Atalanta a enkawl laiin Europa League nomawi hi a chawi tawh.

Roma chuan, "Club neitu leh Claudio Ranieri te chuan Gasperini hi team enkawl turin an pawm," tiin manager thara an lungawi thu an puang. Gasperini hian Atalanta-ah season kua a cham chhungin a sang pali zingah ṭum ruk an tel a, Champions League quarterfinal hial ant hleng bawk.

Atalanta-a Gasperini hmunruak hi Southampton manager hlui Ivan Juric-a'n a hnawhkhat zui ang.