Silverstone an hawng dawn
British Grand Prix buatsaihtu lam chuan coronavirus vanga ram dang harsatna tawh an hriatthiampui a, kuminah a ṭul a nih chuan Silverstone tlankawng chu vawi hnih hman theih tura an inhawn thu an sawi.
Silverstone manager director Stuart Pringle chuan, "Thil thleng thei leh ṭha zawk tura ngaih kan sawiho mek zel a, tunah chuan kan tlan kawngah hian entu awm loin intlansiak vawi hnih a thlen theih kan ring.
"Hun rei tak chhung F1 hi kan lo thleng tawh a, kan tawnhriat tam tak hmang hian hun harsa hi kan paltlang theih ka beisei," tiin midang harsatna sukiang tura an inpeih thu a sawi.
Car intlansiakna sang ber hi March thlatira tlan ṭan tur ni mah se Covid-19 vangin an la tlan ṭan lo. F1 neitu Liberty-Media chuan season ṭan tlai mah se a hun chhung pawtsei in emaw, calendar siam danglam chungin emaw world championship neih theih an la beisei reng.