Netherlands-in Finland an hneh

Ronald Koeman enkawl Netherlands chuan World Cup qualifier-a an match hmasa ber an khel a, an chak nghal - an mikhualna ramah Finland chu 2-0 in an hneh.

Memphis Depay chuan Europe-ah inkhel tawh lo mah se, theihna a la nei sang reng tih pholangin, minute rukna lekah goal hmahruai a khung - Cody Gakpo siamsak a ni.

Kum 31 mi Depay hi Serie A club Corinthians tan a khel mek a, September 2024 khan Brazilian club hi a zawm - match 42 khel tawhin, goal 13 a khungsak a, assist 14 a nei tawh.

Dutch forward hian PSV Eindhoven, Manchester United, Olympique Lyon, Barcelona leh Atletico Madrid tan a lo khel tawh a, World Cup qualifier-ah theihna a la neih sanzia a pholang leh ta.

Depay bakah hian Inter Milan fullback Denzel Dumfries chuan goal khat a thawh ve bawk a, Finland lamin a chhanletna tur an neih loh avangin Dutch team an chak.

Koeman enkawl Netherlands hian Liverpool right back thar Jeremie Frimpong, forward Cody Gakpo, midfielder Ryan Gravenberch, Liverpool captain Virgil van Dijk leh Manchester City midfielder tur Tijjani Reijnders te an nei a, an beisei a sang khawp ang.