Suzuki-ah Rins a rinawm
MotoGP rider Alex Rins chuan Suzuki MotoGP tan contract thar a ziak a, 2022 season thleng Suzuki bike a khalh chhunzawm zel ang.
Kum 24 mi Rins chuan, "Suzuki nen kum hnih chhung atan kan inrem leh a, ka tan chanchin ṭha a nih ang bawkin ka team tan pawh a nih ka beisei. He team-ah hian rinna ka nghah ngam avangin contract chungchangah pawh harsatna a awm lo," a ti.
Spanish tlangval Rins hian 2017 aṭang khan MotoGP hi a luhchilh, bike intlansiakna sang berah hian vawi 50 inlan tawhin ṭum hnih hnehna a chang tawh, dawhsanah (podium) vawi riat a lawn tawh.