Watford player-ten hlawh la dawn lo
Premier League club Watford chuan hlawh la rih lo turin an player-te chu inremna an neihpui dawn a, anni hma hian Southampton leh West Ham chu English top flight football club zinga hlawh la rih lo tura player-te inremna neihpui an ni.
Watford hian an player-te hi eng ti chhung atan nge an player-te hi inremna an neihpui dawn hriat a la ni lo a, he thuziak i chhiar meuh chuan an hlawh lak rih loh hun chhung tur hi a chian hman a rinawm.
Hornets (Watford sawina) hian an player-te nen hian season hmasa bonus chungchangah pawh inremna an la nei thei lo a, hetihlaia player-ten hlawh tihhniam an remti hi an fakawm hle - Watford hian non-playing staff-te hlawh pek kim an duh avanga hetianga hma la hi an nih thu player-te hi an hrilh a ni.
Premier League club zingah Arsenal chuan 12.5% a an hlawh lak tihniam turin an player-te chu inremna an lo neihpui tawh a, Chelsea chuan official taka puanzar la nei lo mah se an player-te hlawh 10%-in an tihniam dawn nia sawi a awm bawk.