Kerber a chak vek

World number 1 Angelique Kerber chuan Women's Tennis Association (WTA) Finals khelh meka a group match pathumah hnehna chang vekin semifinal a lut. Ningani khan Red Group aṭangin Dominika Cibul-kova chu a sang pali zingah a inhlangkai ve bawk.

Singapore Indoor Sta-dium-a inkhelah Kerber hian American star Ma-dison Keys lakah 6-3, 6-3 in hnehna a chang a, inkhel dangah Cibulkova chuan Simona Halep lakah 6-3, 7-6 (7-5) in hnehna a chang ve bawk.

Australian leh US Open champion Kerber chuan, "A vawi khat nan WTA Finals semifinal ka lut ta a, ka tan chuan dai ngai loh a nih avangin a hlimawm viau zel," tiin a sawi.

White Group aṭangin Svetlana Kuznetsova chuan semifinal a lut chiang tawh bawk a, champion lai Agnieszka Radwanska leh Karolina Pliskova ten hmunruak pakhat an inchuh ang.