Grassroots champion Kolasib

Sir Ratan Tata Trust, Mizoram Sarva Sikhsha Abhiyan (SSA) leh Mizoram Football Association (MFA) ṭang-kawpin an buatsaih, 1st. Inter District Under-14 Grassroots Football Tournament for Boys and Girls chu nimin khan Rajiv Gandhi Stadium-ah khelh zawh a ni a, mipa final-ah Kolasib District chuan Aizawl District 1-0 a hnehin an champion.

Mipa inelnaah hian Lal-lawmawma (Aizawl) chu best player niin goal nga khungtu Lalnunsanga (Kolasib) chu top scorer a ni.

Hmeichhe inelna lamah Aizawl leh Mamit inkhelin hun pangngaiah goal a lut lo a, penalty shootout hmanga chak zawk zawn niin Aizawl 5-4 in an chak.

Christina Malsawm-tluangi (Aizawl) chu best player niin goal thum khungtu Lalṭhazovi (Mamit) chu top scorer a ni thung.

Tournament khel naupangte aṭang hian kan hma lawka Coca cola Cup under 14 Boys Team-a Mizoram aiawh turte thlan tura ruahman a ni bawk. National Sub-Junior Football Tournament lo awm tur atan pawh selection hi neih tur a ni ang.