A club hlui hmachhawn tur Higuain

Khawvela player mato pa-thumna Juventus striker Gonzalo Higuain chuan zanin dar 12:15 hian a club hlui Napoli a hma-chhawn dawn. Club pahnihte hi season hmasa Serie A champion tuma inum fal niin kuminah pawh team ṭha pahnih an nih leh avangin a boruak a dai lo ang.

Real Madrid forward hlui Higuain hian kum 2013 khan Spanish club aṭangin Napoli a zawm a, match 104 a khelhah goal 71 a khung hman - heng zinga goal 36 hi seasoon hmasa league match 35 a khelh aṭanga a khung a ni nghe nghe.

Serie A hmahruaitu Juve hian point 24 an hmu tawh a, pathumna Napoli hian point liin an phak lo mek; zanin an inkhel result a zirin an inthlauhna hi a zim emaw a zau sawt emaw zawk dawn a, inkhel pawimawh bik a ni.

Argentina inter-national Hi-guain chuan, "Napoli ka chhuah-san avangin he cluh hi ka hua tihna a ni kher lo a, chona thar hmachhawn turin Turin ka pan a ni zawk. Tunah chuan Juve player ka nih tawh avangin kan khingpui lama goal khung tum chu ka hna ber a ni tawh a, zaninah pawh hian chu hna chu Napoli lakah ka thawk ang," tiin a sawi.