India beiseina a tawp

Rio Olympic silver medal-list PV Sindhu chuan Brazil aṭanga a rawn haw hnuah result ṭha a la nei hleithei lo, nimin khan French Open Superseries second round aṭanga vuak tlak niin Indian shuttler an tla kim.

India hmeichhe zinga Olympic silver medal dawng thei hmasa ber Sindhu hi Chinese shuttler He Bingjiao lakah 20-22, 17-21 in a tlawm. Sindhu hi kar hmasa lawk khan Denmark Open second round aṭangin a lo tla tawh bawk.

Mipa singles lama India beiseina neih chhun ni tawh HS Prannoy pawh 19-21, 16-21 in seeded pangana Chinese Taipei shuttler Tien Chen Chou lakah a chak lo ve bawk.