India vs New Zealand Chak zawk tan nomawi

Vawiin chawhnu dar 1:30-ah India leh New Zealand an inkhel dawn a, he inkhela chak zawk zawk hian series an la thei ang. Vawiina team pahnih inkhelhna tur hmun hi ACA-VDCA Cricket Stadium, Visakhapatnam a ni.

ODI series hi match nga khelh tur niin match li khelh tawh a ni a, team pahnih hi 2-2 a inhnehtawk mekin an inngam tawk hle. Match hmasa berah India hian wicket ruka hnehna an chan hnuin Black Caps lamin match hnihnaah run rukin hnehna an chang ve leh. Match thumnaah wicket sariha India chakin match linaah an chak leh chuan series an la thei dawn. Mahse, New Zealand-in awlsam taka tlawm duh loin run 19-in hnehna an chang ve leh a, 2-2 in an inhnehtawk.

ODI series khelh a nih hmain team pahnih hian test series an khel tawh a, India-in 3-0 in hnehna an chang. Black Caps hian kut ruaka haw an duh dawn loh avangin ODI series lak ngei tumin vawiinah an khel ang.