Balotelli harhna hmangin Nice an mawi

Liverpool aṭanga free trans-fer-a Nice zawmtu Mario Balotelli-a'n France lamah harhna a chan chhun-zawm zel - Pathianni zan khan Ligue 1-a an hmahruaina chhawm nung turin Nice hian an mikhual Nantes chu 4-1 in an sawp a, Balotelli-a'n goal khat a thawh ve. Italian striker hian French club tan match sarih a inlanah goal sarih a khung ta.

Nice tan hian Balotelli bakah Wylan Cyprien chuan goal hnih a khung a, Alassane Plea chuan goal khat a thawh ve bawk. Mikhual Nantes tan Emiliano Sala chuan goal khat thawh ve mah se awmzia a nei thui lo hle. Kum 1959 hnua league nomawi la chawi leh lo Nice hian season ṭan dawna manager thar Lucien Favre an lakluh hnuah Ligue 1 match 11 an khel tawh a, tlawm hmel an la hmu lo.