Chak thei lo Inter Milan

Serie A season kal mek-ah Inter Milan-in chak ni hmel an hmu hleithei lo. Frank de Boer-a naute hi Pathianni zan khan Sampdoria lakah 1-0 in an tl-awm a, league match an khelh hnuhnung vawi ngaah vawi li zet an tlawm ta!

Inkhelh ṭan hmain club thuneitu lamin an manager De Boer-a din-hmun chu 100%-a a him thu sawi mah se Dutch pachal hian a naute result ṭha a neih pui thei lo chhunzawm zel a nih chuan a din-hmun a him reng lo tawp ang.

Inter midfielder Mar-celo Brozovic chuan woodwork-a tih per hnu-ah Sampdoria tan Fabio Quagliarella chuan yard 12-a hla aṭangin he inkhela goal awmchhun chu a khung. Inter hian match 11 an khelh tawh aṭanga point 14 hmuin league table-ah 11-na an ni mek.

Ajax boss hlui De Boer chuan, "Ka player-te hian theihna sang tak an nei tih chu phat rual a ni lo. Tunlaia kan harsatna ber chu kan rilru huaisen tawk lo hi a ni, he hun harsa hi kan paltlang thuai ka beisei," tiin a la beidawn loh thu a sawi.

Pathianni zan inkhel dangah AS Roma leh Em-poli te chu goal awm loin an inhnehtawk a, Roma hian hmahruaitu Juventus chu point liin an phak lo tawh. AC Milan chuan Giacomo Bonaventura goal khat khung hmanga Pescara hnehin pathumnaah an inhlangkai ve leh bawk.