Vesnina leh Makarova champion

Russian pair Elena Vesnina leh Ekaterina Makarova te chuan Bethanie Mattek-Sands leh Lucie Safarova te ṭang dun hneh-in a vawi khat nan WTA Finals double title an la.

Singapore Indoor Sta-dium-a inkhelah Olympic champion Vesnina leh Makarova te hian 7-6(5), 6-3 in hnehna an chang, semifinal-ah champion lai India tennis star Sania Mirza leh Martina Hingis te ṭang dun chu an lo hneh tawh bawk.

Vesnina chuan, "Kan tan chuan inkhel ropui tak a ni a, result ṭha leh hlu bik a ni bawk. Inkhel ṭan tirh aṭanga point hnuhnung ber kan hmuh thleng khan kan inthlahdah miah lo," tiin awlsam taka an chak bik loh thu a sawi.