Germany-ah Joachim Low a nghet

Joachim Low chuan Germany coach hna chelh chhunzawm zel turin kum 2020 thleng atan contract thar a ziak a, a contract neihlaiah kum 2018 World Cup thleng kaihruai tur ni mah se rinawmna thu a tiam nawn takah chuan world champion hi Euro 2020 thleng a kaihruai dawn a ni.

Kum 56-a upa Low hian kum 2004-06 chhung khan Jurgen Klinsmann thachhang dawltu niin Germany hi assistant manager nichungin a luhchilh ṭan a, Klinsmann a ban hnuah coach hna chelh chhunzawmin kum 2014 World Cup-ah khan a champion pui. Germany a enkawl hnuah inelna liantham vawi nga a hmachhawn pui tawh a, a hniam berah semifinal tal a thlenpui vek.