A tawpah Cibulkova chungnung ber

Women's Tennis Asso--cia-tion (WTA) Finals 2016 chu Pathianni zan khan khelh zawh niin world number 1 Ange-lique Kerber hnehtu Do-minika Cibulkova-i'n champion nomawi chawi chungin WTA season a khar.

World number 8 Ci-bul--kova hian German nula Kerber lakah hian darkar khat leh minute 16 chhungin 6-3, 6-4 in hnehna a chang. Slovakian star hian inkhelh zawh hnuah tennis a khelh hun chhunga a thil tawn ropui ber a nih thu a sawi chhuak.

Cibulkova leh Kerber te hi group match hmasa berah inkhel tawhin Ker-ber-i'n hnehna a chang. Cibulkova hian Madison Keys leh Simona Halep hnehin semi-final a lut zui ta tho a, final lut tur hian Sve-tlana Kuznetsova a hneh leh bawk.

Kum 27-a upa Cibul-kova chuan, "Ka tan chuan WTA Finals nomawi ka chawi hi tennis ka khelh hun chhunga ka hun tawn ropui ber a ni. A sang pariat inelnaah ka vawi khat telnaah ka hlawhtling nghal a, ka lawmna hi thuin ka sawifiah thiam lo," a ti. Nimina WTA ranking chhuak thar berah chuan Cibulkova hi world number 5-ah a kaisang.