India mamawh chu coach - Saina

Indian shuttler Saina Nehwal chuan India hian badminton-a hmasawn turin hmunhma a nei
ṭha tawk a, khawvela par vul tura a mamawh lian ber nia a hriat chu coach ṭha tam tak a nih thu a sawi chhuak.

London Olympic bronze me^-dallist Saina chuan, "India hian infiamna hmasawnna tur atan hmun hma chu a nei ṭha tawk a, a mamawh tak zawk chu coach ṭha leh tihtakzetna a ni," tiin a sawi.

Rio Olympic-a a khup na avangin world number 1 hlui Saina hi a la inkhel leh lo a, tunah hian China Super Series Premier (November 15-20) leh Hong Kong Open Super Series (November 22-27) khel turin inbuatsaihna a nei mek.

Kum 26-a upa Saina chuan, "Khawvela hmahruaitu ni tur chuan India hian khawpui pakhatah coach ṭha 20-30 vel a mamawh. Chi-na khian khawpui pakhatah player 30,000 - 40,000 zet te an nei thei. Tournament pakhat vil tur hian coach pali vel an nei thei zel bawk - an tan chuan nomawi lak hi a harsa lo," tiin China elphak tura India hmabak a la tam zia a sawi.

India hian badminton-ah hma a sawn zel a, kum 2012 London Olympic-a Saina-i'n bronze a lak kha infiamna khawmpui lian bera India hmeichhiain badminton inelna bika a medal lak hmasa ber niin Rio Olympic-ah khan PV Sindhu chuan silver medal a la ve leh bawk.