Goa-in harsatna an nei lo

Coach Sergio Lobera an ban hnuah pawh FC Goa an talbuai phah lo a, Nilaini zan Indian Super League inkhelah Mumbai City chu 5-2 in an sawp - he inkhela team pahnih squad-a Mizo awmchhun Hmingthanmawia (Valpuia) chu Mumbai tan bench lamah a ṭhu tluan. 

Mumbai club hian Rowllin Borges hmangin goal hmahruai khung zet mah se FC Goa hian Ferran Corominas, Hugo Boumous leh Jackichand Singh te goal hmangin an chhanglet zui!

Bipin Singh hmangin Mumbai hian beiseina nei ve leh mah se Coro bawkin Goa tan a khung leh a, Mohammed Rafique chuan an lamah ti lut zuiin mualneitu Goa an chak chiang hle. 

Mumbai-in hnehna an chan loh avangin Bengaluru chu a sang pali zingah an tling chiang nghal a, Mumbai dinhmun a derthawng chiah thung - match khat an la neihah chak pawh ni se Chennaiyin-in match thum an la neihah hnehna an chan vek chuan an la lehthal thei ang.