NBA Star Ray Allen a chawl ta

Boston Celtics leh Miami Heat tana NBA champion nomawi chawi tawhtu Ray Allen chuan Thawhlehni khan basketball a chawlhsan thu a puang.

Kum 41-a upa Allen chuan, "Vawiin hian ka hma-ngaih basketball khelh chu ka chawlhsan ta tih ka puang a, he infiamna hian khawvel hmun hrang hrangah min hruaiin hun nuam leh hlimawm tak min hman tir a ni," a ti.

NBA com-mis-sioner Adam Silver chuan Allen chu, "Player ṭha chung-chuang bik a ni a, NBA chhungkaw aiawhin he infiamna tana a thil tihte avangin a chungah lawmthu ka sawi," tiin a sawi.

American shoo-ting guard hian kum sarih chhung zet chu season khat chhunga three points vawm lut hnem record a siam a, NBA season khat chhunga three points vawi 269 a vawm luh record chu kum 2012-13 season khan Stephen Curry-a'n (272 ) a rawn khum chiah. Kum 1996-a NBA a luhchilh aṭangin season 16 chhungin regu-lar season-ah three points vawi 2,973 zet a nei thei a - a sulhnu hi theihnghilh tawh loh tur a ni.