Golden State tan Curry a vul

NBA Western Confe-rence champion Golden State Warriors-in tun season-a an match hmasa berah San Antonio Spurs hneh lo mah se an insiam ṭha leh tawh a, New Orleans Pelicians an hneh hnuah nimin zing khan Portland Trail Blazers 127-104 in an hneh leh ta.

Moda Center-ah in-khel en turin mipui 19,393 an pung khawm a, thawm a ṭha hle. Golden State tan Kevin Durant chuan court chhungah hun hmang rei berin minute 30 leh second 42 a inlan chhungin point 20 a score bakah rebounds vawi nga a la bawk. NBA Most Valuable Player Stephen Curry chuan minute 29 chhunga point 28 nei hmanin a thawh hlawk ber a, an chakna bulpui a ni.

Portland Trail Blazers tan point 31 score-in inkhel pumpuiah point hmu hnem ber ni mah se a ṭhian ten an thlawp ṭha tawk lo a, tun season-a a vawi hnih nan an chak lo - tukin dar 7:30 hian Phoenix Suns an hmachhawn leh nghal ang. Golden State Warriors hian Zirtawpni zing dar 8:00-ah Oklahama Thunder an hmachhawn ve thung dawn.