Joshua leh Klitschko tan WBA belt a rem

World heavyweight champion lai Tyson Fury-a'n WBA leh WBO kawnghren a kalsan hnuah Anthony Joshua leh Wladimir Klitschko inhnek tur thawmin a zui nghal a, WBA president Gilberto Mendoza chuan an champion kawnghren hi boxer pahnih tan inchuh theih a nih tur thu a sawi.

Fury-a'n a kawnghren a kalsan thu a puan hnu lawkah Joshua promoter Eddie Hearn chuan December-ah a boxer leh Klitschko an inhnek theih mai theih thu a sawi a, beisei anga thil a kaltluan loh hnuah Hearn chuan WBA kawnghren an inchuh theih dawn leh dawn loha buaina awm vang niin sawi a, Klitschko manager Bernd Boente chuan December-a inhnek tura an inrem hman loh vang a nih thu a sawi thung - tunah erawh engkim a chiang ta.

Kum 27-a upa Joshua hian De-cember 10-ah Eric Molina a hmachhawn dawn a, IBF heavy-weight champion lai hian Ukrainian boxer Klitschko hnek tur chuan Molina hi a hneh a ngai dawn. Klitschko hian October khan Joshua hmachhawn a duh thu hi a lo sawi tawh a, boxer pahnih hi an inhnek dawn a nih chuan nakkum March emaw April-ah an inhnek ang.