PWL thlirtu Sakshi Malik

Rio Olympic bronze medallist Sakshi Malik chuan, December 15 a
ṭanga khelh ṭan tur Pro Wres-tling League (PWL) Season-II a nghahhlelh thu leh tel ngei tura a in-buat-saih ngawrh thu a sawi.

Sakshi chuan, "Rio Olympic hnuah ka nun a inthlak nasa hle a, miten min lo hre vein tih tur pawh ka ngah ṭhin hle. Chutihrualin inchai erawh ka ngaih pawimawh ber a la ni reng a, PWL season hnihna khel ngei turin tunah hian nitin vawi hnih training ka ka la nei ziah," tiin a sawi.

PWL hi nikum aṭang khan ITV Media network neitu Kartikeya Sharma leh Wrestling Federation of India te ṭangkawp chuan an buatsaih a, khawpui behchhanin team paruk an awm. Team pakhatah hian player langsar bik (Icon) pakhat leh player dang pariat zel an awm.

Mipa tan category panga (57kg, 65kg, 74kg, 97kg, 125kg) awmin hmeichhe tan pali (49kg, 53kg, 58kg, 69kg) a awm thung. Team pakhatah hian mipa panga leh hmeichhe pali an awm a, team tinah Indian wrestler panga zel an awm bawk - a dang pali chu khawvel hmun hrang hrang aṭanga lakkhawm an ni. Kuminah pawh nikuma an kalphung ang deuh thoa kal chhoh leh tumin hma an la mek.

Kum 24-a upa Sakshi chuan, "PWL hian In-dian wrestler-te tan hma-sawn-na a thlen belh leh ngei ka beisei. World leh Olympic champion-te an rawn inlan theih dawn avangin khawvel huapa player lian leh ṭha hmachhawn theihna hun a ni, hei hian kan tan rah ṭha a chhuah ngei ka ring," a ti.