World Challenge-a inlan tur Tiger Woods

Tiger Woods chuan De-cem-ber thla a khelh tur Hero World Challenge-ah inlan a tum thu chu Thawh-lehni khan a sawi chhuak.

World number 1 hlui Woods hi hliam vanga thla 16 chhung zet a inkhelh mumal loh hnuah a hnuzâng na a dam tawh a, thla hmasa a khelh Safeway Open-ah khan inlan a tum thu lo sawi tawh mah se chawpchilh takin a inhnukdawk leh a, tunah a lo kir theih hun tur a sawi thar leh tihna a ni.

Major title 14 la tawh Woods chuan, "Albany-a khelh tur Hero World Challenge-ah inlan ka tum chiang a, inelna hautak leh harsa a ni dawn tih hre mah ila duhthusama ka dam ṭhat ngei ka beisei," tiin a sawi.