Vettel hrem dawn lo

Ferrari driver Sebas-tian Vettel chu Pathianni zana tlan zawh tak For-mula 1 Mexican Grand Prix-a a chetdan mawi lo vangin hrem tuar ngei tura ngaih ni mah se Federation Internationale de l'Automobile chuan an hrem loh tur thu an sawi.

Mexican GP-ah khan Vettel hian Red Bull driver Max Verstappen a nek a, a chet dan hi dan kalh niin intlansiak lai hian hremna a hmachhawn nghal. German driver hian a chetdan mawi lo vang hian intlansiak zawhah ngaihdam a dil nghal.

Formula 1 thuneitu sang FIA president Jean Todt chuan, "Thil thleng leh a hnua thleng zuite kan ngaihtuah hnuah Vettel hi hremna hran pek belh a ni lo ang. Chutihrualin khatiang thil kha a thleng nawn a nih chuan hremna a tuar ngei ang," tiin a sawi. World champion vawi li ni tawh Vettel hi Mexico-ah khan pangana a ni.

Kuminah Formula 1 intlansiak 21 awm tua ruahman a ni a, heng zinga 19 chu tlan zawh tawh niin November 13 khian Brazilian Grand Prix an tlan ang a, season khar nan November 25-ah Abu Dhabi Grand Prix an tlan leh bawk ang.