Coach Sanga'n Saikhamakawn enkawl dawn

MPL club thar Saikhamakawn chuan MPL-a record nei ṭha ber coach Lalsangzuala Hmar an lalut. Saikhamakawn hi Sanga football academy 'Aizawl South Football Academy' (ASFA) nen season khat chhung an thawk dun ang.

Saikhamakawn hi MPL12 khel tur zingah hming langsar lo ber ni mah se coach tawnhriat nei ṭha ber an kawl avangin zuam ngawt theih an ni dawn lo. Sanga hian MPL ṭantirh lamah coach H. Vanlalthlanga hnuaiah a intat hriam a, head coach a nih hnuah Chanmari FC, Chhinga Veng FC leh Chawnpui FC te champion puiin MPL-a club hrang pathum champion pui thei hmasa ber a ni.